Sveinn Andri bregður á leik með menntaskólanemum

„Það sem dóttir mín platar mig nú ekki út í,“ segir lögfræðingurinn Sveinn Andri Sveinsson sem bregður á leik í myndatöku með 6. bekk B - útskriftarbekk úr Menntaskólanum í Reykjavík.

Allir nemendur menntaskólans sátu fyrir á myndum sem birtar eru á heimasíðu nemendafélagsins.

Ef rennt er með músina yfir hvern nemanda má hins vegar sjá þá bregða á leik. Sumir sötra á kaffibolla á meðan aðrir setja upp skrýtið höfuðfat.

Í tilviki 6.B var Sveinn Andri hins vegar fenginn til að sitja fyrir með nemendunum. Júlíana Amalía, dóttir Sveins Andra, fékk karl föður sinn til að bregða á leik með bekkjarfélögum sínum.

„Þetta var nú bara gott grín sem tók stutta stund. Það er nú ekkert meira um þetta að segja,“ segir Sveinn Andri.