Gefur ráð til hjóna: „Ef hún segir nei, skaltu snúa henni við“

Melissa Gorga, sem er þekkt úr raunveruleikaþáttunum Real Housewives of New Jersey, hefur skrifað leiðarvísi um hjónabandið sem ber heitið Elskaðu á ítalskan hátt (e. Love Italian Style).

Í bókinni gefur hún ráð um hvernig halda eigi hjónabandinu góðu, heitu og hamingjusömu. Í raun er hægt að segja að skilaboðin séu einföld frá Melissu: „Eiginmenn vilja að konur þeirra séu þeim undirgefnar, eiginkonur vilja að mennirnir drottni yfir þeim“.

Efni bókarinnar hefur gengið fram af mörgum lesendum enda má ráða út frá ráðum Melissu og umfjöllun um samskipti kynjanna að hún sé gift stjórnsamri karlrembu sem ber litla virðingu fyrir konu sinni.

Samkvæmt bókinni bannar eiginmaður Melissu henni að vinna, stjórnar klæðaburði hennar og hefur beitt hana ofbeldi þegar honum mislíkar það sem hún gerir.

Í bókinni má finna innlegg frá eiginmanni Melissu sem eru mörg hver ansi varhugaverð.

Á einum stað er hægt að skilja sem svo að hann hvetji til nauðgunar. „Karlmenn, þið haldið kannski að konan ykkar vilji ekki láta taka sig harkalega. Treystið mér, hún vill það. Allar konur vilja láta toga í hárið á sér öðru hvoru. Ef hún segir „nei“, þá skaltu snúa henni við og rífa hana úr fötunum. Hún vill láta drottna yfir sér."

Sem dæmi úr bókinni gefur Melissa kynsystrum sínum ráð til að vera alltaf aðlaðandi í augum eiginmannsins. Hún hvetur konur til að læra að elda góðan mat, vera alltaf málaðar, raka leggina, passa upp á línurnar og fara á Burger King á næsta horni ef þær þurfa að kúka.

Þessu ráði fylgir eftirfarandi vísdómur: „Stelpur kúka ekki. Ég hef aldrei gert það og mun aldrei gera það. Það bara gerist ekki! Eða, það er það sem eiginmaður minn heldur! Ég kúka aldrei þegar hann er heima og vakandi.“

Fleiri ráð Melissu og innlegg frá eiginmanni hennar.