Fyrir alla muni láttu einhleypu vini þína lesa þetta

Það verður seint sagt að Ragnheiður Eiríksdóttir lifi leiðinlegu lífi því hún er umvafin selebum eins og sjá má á meðfylgjandi instagram-myndum sem hún gaf okkur leyfi til að birta. Það sem gerir líf hennar ennþá meira spennandi er þátturinn hennar sem ber yfirskriftina Makaleit sem sýndur verður á Stöð 3 í vetur.



Innra meikóver

„Við erum komin á fullt með undirbúning fyrir þættina. Núna erum við að leita að einhleypu fólki til að taka þátt.  Við viljum bara að fólk sé einhleypt og búið að vera það einhvern tíma. Aldur, kynhneigð eða skóstærð skiptir engu máli. Við ætlum að styrkja þetta fólk svo það geti mætt tilbúið til leiks. Það má kannski segja að við séum að fara í innra meikóver með þennan hóp því við vinnum algjörlega út frá því að hugarfar, sjálfstraust, kjarkur og aðrir innri þættir skipti mestu máli ef einhver vill verða meira sjarmerandi," segir Ragnheiður.  



Einhleypir græða

„Þeir sem taka þátt munu græða heilan helling. Þjálfunin verður stíf og við köllum til ýmsa sérfræðinga sem eru allir ótrúlega spenntir fyrir verkefninu og munu svo sannarlega leggja hjarta og sál í þetta." 



Holdlega planið undirbúið

„Ég stjórna þáttunum og leiði hópinn gegnum þjálfun og áskoranir. Hver veit nema ég muni líka leggja þátttakendum nokkrar kynlífsreglur. Ef deit gengur vel, neistar fljúga milli fólks og það ákveður að færa kynnin yfir á holdlegt plan er mjög mikilvægt að geta orðað þarfir sínar og mörk, að sjálfsögðu án þess að missa sjarmann og sexappílið.  



Ferlið á Facebook

„Við ætlum að leyfa fólki að fylgjast vel með ferlinu. Á facebook síðunni okkar eru myndir og allskonar húllumhæ og svo er um að gera fyrir einhleypa að sækja um að taka þátt." 



Hlekkur á skráningarform hér.



Hashtaggið endilega frambærilega einhleypa vini ykkar: #makaleit.