Cara sló á rass Rihönnu

Ofurfyrirsætan Cara Delevingne og söngkonan Rihanna kynntust í nóvember á síðasta ári þar sem þær voru staddar á Vicoria´s Secret tískusýningu.

Í viðtali við blaðið Industrie Magazine, segir Delevingne frá því hvernig fyrstu kynnu þeirra voru.

„Ég labbaði upp að henni og sagði hvað mér finnist hún falleg og að ég elskaði hana. Ég sagði henni hvað hún væri flott og að hún fengi mann til þess að roðna, svo sló ég fast á rassinn hennar,“ segir Delevingne.

Síðan þá eru þær stöllur mjög góðar vinkonur og finnst þeim ekki leiðinilegt að skemmta sér saman eins og sést hefur í slúðurblöðum ytra.