The CW þróar sjónvarpsseríu um trans-ungling

Bandaríska sjónvarpsstöðin The CW þróar nú sjónvarpsseríu um trans-ungling. Sjónvarpsstöðin hefur áður framleitt sjónvarpsþætti á borð við Gossip Girl.

Samkvæmt miðlum vestanhafs kemur serían til með að fjalla um trans-ungling í Texas, hvers lífstíll fer fyrir brjóstið á umhverfi sínu og snýr öllu fjölskyldulífi unglingsins á hvolf.

Serían er skrifuð af handritshöfundinum Kyle Jarrow, sem skrifaði meðal annars A very Merry Unauthorized Children's Scientology Pageant, söngleikur sem þótti mjög umdeildur og fjallar um Vísindakirkjuna á einkar gagnrýninn máta.

Ef af framleiðslu þáttanna verður, verður þetta fyrsta sjónvarpsserían í Bandaríkjunum og þótt víðar væri leitað, með transmanneskju í aðalhlutverki.