„Ég elska Lauren“

Tónlistarmógúllinn Simon Cowell á von á barni með kærustu sinni Lauren Silverman. Það áttu margir bágt með að trúa því þegar tilkynnt var um meðgönguna, meira að segja Simon sjálfur.

„Ég bjóst ekki við þessu. En maður þarf að takast á við þetta eins og karlmaður,“ segir Simon en samband þeirra Lauren hefur ekki verið dans á rósum. Lauren var enn gift vini Simons, Andrew Silverman, þegar óléttufregnirnar urðu opinberar en þau eru nú skilin.

„Það er allt í góðu núna. Ég elska hana og ég elska að við séum að eignast þetta barn,“ bætir Simon við.