Konurnar láta ekki háan aldur aftra sér við að klæða sig töff

Hin 75 ára gamla Jean Woods lætur aldurinn ekki flækjast fyrir sér og heldur sér í nýjustu tísku. Hún elskar Dr. Martin skó og er með klippingu samkvæmt nýjustu tísku.

Channel 4 í Bretlandi er að framleiða nýja þætti um konur sem láta aldurinn ekki hafa nein áhrif þegar kemur að því klæða sig flott.

Jean Woods segir að unglingar elski hvernig hún klæðir sig en margir á hennar aldri séu hræddir að klæða sog með sama hætti og hún. Hún segist klæða sig í hvað sem henni finnst vera fallegt og hefur engin áform um að hætta því.

Gillian Lynne er 87 ára og segist klæðast mini-pilsum ef henni sýnist svo. Fótleggir hennar séu það besta við útlit hennar. Hún er fyrrum balletdansari og hún æfir á hverjum degi. Hún segir leyndarmálið á bak við hið hraustlega útlit vera það að hún sé gift manni sem er 27 árum yngri en hún. Hún segir marga vini sína ekki hafa spáð því að sambandið yrði langlíft en það hefði nú heldur betur sannast í hennar tilviki að aldurinn skipti engu máli.

Að neðan má sjá sýnishorn úr þáttunum um þessar hressu konur.