Heimir fundaði með fjölmiðlamönnum

Heimir Hallgrímsson, aðstoðarþjálfari íslenska karlalandsliðsins í knattspyrnu, hélt stuttan fund með fjölmiðlamönnum í Bern í dag.

Heimir hefur komið með ferska vinda inn í starfið hjá landsliðinu og hefur til að mynda verið í góðum samskiptum við stuðningsmannaklúbb félagsins.

Á fundinum með fjölmiðlamönnum í dag fór Heimir í gegnum það hvernig svissneska liðið spilar og hvernig íslenska liðið ætlar að svara því. Eðli málsins samkvæmt vill Heimir ekki að það fari lengra í bili og því verða ekki höfð frekari orð um það.

Þessi nýbreytni Heimis vakti lukku hjá fjölmiðlamönnum sem kunnu vel að meta framtakið hjá tannlækninum viðkunnalega úr Vestmannaeyjum.