Við erum eðlilegri en allir halda

Glamúrpían Victoria Beckham prýðir forsíðu ástralska Vogue. Hún segir fjölskyldu sína vera mun eðlilegri en fólk heldur almennt.

“Mig langar frekar að vinna eða plokka augabrúnirnar mínar þegar börnin eru sofnuð. Við erum mun eðlilegri en fólk heldur,” segir Victoria aðspurð hvort hún sé ekki á galeiðunni öll kvöld að sýna sig og sjá aðra.

Victoria er búin að vera gift fótboltamanninum David Beckham í fjórtán ár. Saman eiga þau fjögur börn – Brooklyn, fjórtán ára, Romeo, tíu ára, Cruz, átta ára og Harper, tveggja ára. Hún segist hlakka til þess að eyða meiri tíma með fjölskyldunni eftir að David lagði fótboltaskóna á hilluna fyrir stuttu.

“Við erum öll svo stolt af David. Við höfum stutt hann hjá öllum félögum hans alls staðar í heiminum síðustu fimmtán ár og höfum séð hvað hann er mikill innblástur fyrir mig og börnin en líka fyrir milljónir manna. Nú hlökkum við til að eyða meiri tíma saman sem fjölskylda.”

Dragðu Tarotspil dagsins hér.