Liverpool vann Melbourne Victory | Suarez lék í tuttugu mínútur

Liverpool bar sigur úr býtum gegn Melbourne Victory, 2-0, í æfingaleik í Ástralíu í morgun.

Fyrirliðinn Steven Gerrard gerði fyrsta mark leiksins eftir hálftíma leik en það var Iago Aspas sem skoraði annað mark Liverpool undir lok leiksins.

Luis Suarez, leikmaður Liverpool, kom inná í síðari hálfleiknum en hann hefur verið orðaður frá félaginu undanfarna daga.

Arsenal hefur gert formlegt tilboð í leikmanninn og gæti leikmaðurinn endað í London. Forráðamenn Liverpool hafa aftur á móti gefið það skýrt út að Úrúgvæinn sé einfaldlega ekki til sölu.