Villtar konur í rökkrinu

Töluverður viðbúnaður var í nótt, þegar ljóst varð að tvær íslenskar göngukonur voru villtar einhvers staðar á leiðinni frá Hrafntinnuskeri niður í Þórsmörk, með viðkomu í skálanum við Álftavatn.

Neyðarlínan kallaði út björgunarsveitir til að fara á svæðið úr tveimur áttum og til stóð að óska eftir þyrlu Gæslunnar, þegar þær komu í leitirnar og nutu úr því öruggrar leiðsagnar skálavarðarins við Álftavatn. Ekkert amaði að þeim, en þær höfðu villst út af göngustígnum í rökkrinu.