Með samfellu sonar síns á höfðinu

Vísir frumsýnir hér glænýtt myndband frá íslensku stuðsveitinni FM Belfast við lagið We Are Faster Than You.

Myndbandinu leikstýrir einn höfuðpaur sveitarinnar, Árni Rúnar Hlöðversson, en það var tekið upp og unnið á tónleikaferðalagi FM Belfast um Evrópu nú í sumar.

Lóa Hlín Hjálmtýsdóttir, söngkona FM Belfast, kemur fram sem dularfull brosvera í myndbandinu og er hún á höttunum á eftir Ívari Pétri  Kjartanssyni trommara.

Lóa klæðist engri venjulegri grímu í myndbandinu. Gríman er nefninlega samfella af syni hennar og Árna Rúnars, Fróða.

Það er greinilegt að það var fjör við tökur á myndbandinu hjá FM Belfast. Myndbandið er tekið upp í fimm borgum; Prag, Kosice í Slóvakíu, Berlín og Düsseldorf.

We Are Faster Than You er fyrsta smáskífan af væntanlegri plötu FM Belfast sem kemur út í byrjun næsta árs.