Flestir flugu til Kaupmannahafnar

Tæplega 380 þúsund farþegar flugu frá Keflavík til Kastrup-flugvallar í Kaupmannahöfn árið 2012. Þetta kemur fram í samantekt vefsíðunnar turisti.is.

London sækir fast á hæla Kaupmannahafnar en 360 þúsund farþegar fljúga á milli staðanna. Borgirnar tvær eru í algjörum sérflokki hvað farþegafjölda varðar enda er flogið þangað nokkrum sinnum á dag allt árið um krnig.

Í þriðja sæti situr Osló, þá New York og loks Boston. Árið 2011 var Boston sú borg í Norður-Ameríku sem flestir farþegar í Keflavík flugu til. New York skaust fram úr nágrönnum sínum á austurströndinni með 190 þúsund farþega á síðasta ári.