Nýtti tækifærið og synti nakinn

„Ég gat ekki sleppt því tækifæri að synda í sjónum norður fyrir heimskautsbauginn," segir bandaríski ferðamaðurinn Link Kokiri í samtali við vef Akureyrarbæjar.

Kokiri dvaldi í Grímsey á dögunum og kunni vel við sig. Ástæða þess að hann stakk sér til sunds nakinn er samkomulag sem hann gerði við vini sína.

„Ég og nokkrir vinir mínir gerðum með okkur samning um að synda allsnaktir utandyra a.m.k. einu sinni í mánuði allt árið um kring. Það var því upplagt að stinga sér til sunds við Grímsey og ég fann mér góðan stað norðan við eyna. Mér fannst sjórinn ekki það kaldur og naut mín vel þarna ofan í. Þetta var algjörlega hápunktur dvalar minnar á Íslandi!"

Kokiri er tryggingastærðfræðingur og býr í Ann Arbor í Michigan-fylki í Bandaríkjunum. Þetta var fyrsta ferð hans til Íslands og kunni hann vel við sig.

„ Það var reyndar ekki sársaukalaust fyrir mig að komast til Grímseyjar því ég varð mjög sjóveikur á leiðinni með Sæfara en það var algjörlega þess virði," í viðtali á vef Akureyrarbæjar.