Fótbrotnum manni komið til bjargar

Björgunarsveitir á höfuðborgarsvæðinu eiga í þó nokkrum erfiðleikum með að nálgast karlmann sem fótbrotnaði við Botnsúlur í Hvalfirði laust fyrir klukkan tvö í dag.

Samkvæmt upplýsingum frá Landsbjörgu var maðurinn á gangi í miklum bratta þegar hann hrasaði.

Þyrla Landhelgisgæslunnar kölluð út en hún þurfti að lenda í um hundrað og fimmtíu metra fjarlægð frá manninum.

Björgunarmenn eru nú á leið upp hlíðina.

Maðurinn hafði sjálfur samband við Neyðarlínuna og gat gefið upp nákvæma staðsetningu.