"Það er oft erfitt að láta ekki deigan síga"

Ingibjörg Sólrún Gísladóttir, fulltrúi Sameinuðu þjóðanna hjá UN Women í Kabúl segir réttindamálum þar í landi miða alltof hægt og glæpir gegn konum ekki kalla á refsingar. Alþjóðlegur baráttudagur kvenna er minnsta víða um heim í dag.

Á Indlandi minntist fólk þessa dags en þar í landi hefur verið mikil umræða og vakning al um nauðganir. Í Afganistan minntu konur einnig á réttindi sín. Talið að Afganistan sé sá staður á jörðinni þar sem hlutskipti kvenna er verst.

Ingibjörg Sólrún Gísladóttir fulltrúi Sameinuðu þjóðanna í Kabúl glímir því við geigvænlega erfitt verkefni eða að bæta stöðu kvenna í landinu. Hvernig miðar þessari baráttu?

„Hægt, þetta þokast hægt, alltof hægt í rauninni. Það má segja að hér í Afganistan hafi hægt svolítið á í þessum málum frá 2009. Fram til þá var hugur og áhugi á því að bæta þessi mál og ég held að það skýrist af því að árið 2009 var búið að koma á þeim lagaumbótum sem þurfti að fara í og það er eins og þá hafi ýmsir talið að það mætti bara slaka á en auðvitað er það ekki þannig því lög eru bara bókstafur og það þarf að fylgja þeim eftir og það er stóra verkefnið," segir Ingibjörg.

Hún segir að 2009 hafi verið búið að koma á þeim lagaumbótum sem þurfti að fara í og það er eins og þá hafi ýmsir talið að hægt væri að slaka á í baráttunni.

Ingibjörg segir ástandið erfitt og skortur sé á raunverlegum pólitískum aðgerðum og vilja til að bæta stöðu kvenna. Þá sé sjaldan refsað fyrir brot gegn konum og þær þori sjaldan að kæra, því sé brýnast að koma á raunhæfum úrbótum innan réttarkerfisins og löggæslunnar.

Dagarnir séu mismunandi erfiðir, stundum finnist henni lítið þokast áfram en svo gerist líka eitthvað gott inn á milli sem gefi kraft í áframhaldandi baráttur. Alþjóðasamfélagið ætti að sýna kvennréttindum meiri áhuga.