Samningur hjúkrunarfræðinga undirritaður

Samningafundi hjúkrunarfræðinga og Landspítalans lauk um kl. 23 í kvöld með því að endurskoðaður stofnanasamningur var undirritaður.

„Við urðum ásátt um það, samningsaðilar, að við myndum greina hjúkrunarfræðingum og stjórnendum frá innihaldinu á morgun. Þetta er stór hópur sem vinnur í mörgum húsum þannig að við þurfum auðvitað að hafa fleiri en einn fund," segir Elsa B. Friðfinnsdóttir, formaður félags hjúkrunarfræðinga, og bætir hún því við að samningsaðilar séu sáttir.

„Seinni fundurinn er klukkan fimm á morgun þannig að ég geri ráð fyrir því að eftir sex verði það gert opinbert hvað þessi samningur felur í sér."