36 félagasamtök hlutu styrk frá Reykjavíkurborg

Velferðarráð samþykkti samhljóða á fundi sínum í dag að veita á þessu ári styrki til 36 félagasamtaka, sem starfa á sviði velferðarmála, vegna ársins 2013. Styrkir eru m.a. veittir til þeirra sem starfa að málefnum geðfatlaðra, fatlaðra barna, eldri borgara og utangarðsfólks.

Í fréttatilkynningu frá Reykjavíkurborg segir að hæst beri þriggja ára styrk til Stígamóta með hækkun um fimm milljónir á ári. Hækkunin renni til reksturs Kristínarhúss sem veiti þolendum manssals og vændis aðstoð.

Til viðbótar við umrædda styrki er Reykjavíkurborg með samninga við 9 aðila til þriggja ára, sem gerðir voru á liðnu ári. Árlega fá þau tæpar 65 milljónir króna. Samtals er þetta því 211 milljónir króna til velferðarmála í Reykjavík. Þessir styrkir skila sér vel til borgarbúa, enda er starfsemi frjálsra félagasamtaka mikilvæg viðbót við opinbera velferðarþjónustu eins og segir í fréttatilkynningunni.

Eftirtalin samtök hlutu styrk frá Reykjavíkurborg. Hæsti einstaki styrkurinn er til SÁÁ eða tuttugu milljónir á ári. Lægsti styrkurinn nam 100 þúsund krónum.

Samtökin sem hlutu styrk 1. AA Samtökin

2. Alnæmissamtökin

3. Blindrafélagið

4. Brynja hússjóður Öryrkjabandalagsins

5. Byggingafélag námsmanna

6. Dyngjan – áfangaheimili

7. FAAS

8. Ferðafélagið Víðsýn

9. Félag eldri borgara

10. Félag heyrnarlausra

11. Félaga einstæðra foreldra

12. Félagsstofnun stúdenta

13. Fjóla, félag fólks með samþætta sjón- og heyrnarskerðingu

14. Fjölskylduhjálp Íslands

15. Foreldra- og styrktarfélag Klettaskóla

16. Geðhjálp

17. Geðverndarfélag Íslands

18. Gigtarfélag Íslands

19. H-hópurinn á Hátúnssvæðinu

20. Hjálparstarf kirkjunnar

21. Hjálpræðisherinn

22. Hlíðarbær

23. Hlutverkasetur/AE starfsendurhæfing

24. Hrafnista DAS

25. Hugarafl

26. Höndin - mannúðar og mannræktarsamtök

27. Klúbburinn Geysir

28. Krossgötur

29. Laugarskjól

30. MS-félagið á Íslands

31. Orlofsnefnd húsmæðra

32. Rauði krossinn, Reykjavíkurdeild

33. Samhjálp

34. Samskiptamiðstöð heyrnarlausra og heyrnarskertra

35. Samtök um kvennaathvarf

36. SÁÁ

37. Sjálfsbjargarheimilið

38. Sjálfsbjörg félag fatlaðra á höfuðborgarsvæðinu

39. Sjónarhóll

40. Stígamót

41. Styrktarfélag lamaðra og fatlaðra

42. Takmarkið líknarfélag

43. Umsjónarfélag einhverfra

44. Vin - Rauði kross Íslands

45. Vímulaus æska