Glaðasti köttur í heimi - "Það er frítt að brosa“

Hátt í tólf þúsund manns hafa horft á myndbandið Glaðasti köttur í heimi, sem Maggi Mix bjó til og setti á síðuna YouTube.com.

Maggi segir að það hafi komið sér á óvart hvað myndbandið hafi fengið mikið áhorf. Myndböndin hans fái nú alla jafna mikið áhorf en þetta myndband hafi hann gert meira í gríni. Hann segist hafa verið undir áhrifum frá laginu Glaðasti hundur í heimi við gerð lagsins og myndbandsins.

Hann segir að lagið sitt sé ekki alveg eins og Glaðasti hundur í heimi og bendir á að bæði textinn og undirspilið sé annað í hans langi.

„Það er alltaf nóg að gera í að skemmta,“ segir Maggi. „Ég fer aðallega í heimahús og fólk getur haft samband við mig í gegnum Facebook-síðuna mína til að panta mig til að skemmta.“

Í lok samtalsins við Vísi biður Maggi alla að njóta lífsins og minnir lesendur á að það er frítt að brosa.