Guðmunda í Serbíu-hópnum hans Freys

Freyr Alexandersson, landsliðsþjálfari A kvenna, hefur valið hópinn sem mætir Serbum í undankeppni HM, fimmtudaginn 31. október næstkomandi.  Leikið verður á FK Obilic Stadium í Belgrad.

Katrín Jónsdóttir, fyrirliði íslenska landsliðsins, er ekki í hópnum en hún hefur lagt skóna á hilluna. Auk Katrínar detta út úr hópnum sem mætti Sviss á dögunum þær Greta Mjöll Samúelsdóttir, sem lagði skóna á hilluna á dögunum, Ásgerður Stefanía Baldursdóttir og Ólína Guðbjörg Viðarsdóttir sem á við meiðsli að stríða.  

Selfyssingurinn, Guðmunda Brynja Óladóttir, efnilegasti leikmaður Pepsi-deildar kvenna í sumar, kemur inn í hópinn en það gera einnig Eyjastúlkan Elísa Viðarsdóttir og Þórunn Helga Jónsdóttir sem spilar með Avaldnes í Noregi.

Margrét Lára Viðarsdóttir og Sif Atladóttir fóru af velli í lokaleik tímabilsins með Kristianstad um helgina vegna meiðsla. Freyr vonast til þess að þær verði báðar klárar í slaginn.

Þjálfararnir, Freyr og Ásmundur Haraldsson, munu verða viðstaddir viðureign Serba og Dana þann 26 október. Leikmenn mæta svo til Serbíu 28. október og nær liðið þremur æfingum fyrir leikinn.

Ísland og Serbía hafa mæst fjórum sinnum áður hjá A landsliði kvenna og hafa Íslendingar haft betur í öllum þeim viðureignum.

Þetta er annar leikur Íslands í þessari undankeppni en áður Sviss hafði betur gegn okkur Íslendingum á Laugardalsvelli, 0–2.  Serbar hafa einnig leikið einn leik í keppninni til þessa en þeir töpuðu gegn Sviss á útivelli, 9–0.

Íslenski hópurinn á móti Serbíu:

Markmenn:

Þóra Björg Helgadóttir Ldb Malmö

Guðbjörg Gunnarsdóttir Avaldsnes

Sandra Sigurðardóttir Stjarnan

Varnarmenn:

Sif Atladóttir Kristanstads DFF

Hallbera Guðný Gísladóttir Pitea IF

Glódís Perla Viggósdóttir Stjarnan

Elísa Viðarsdóttir ÍBV

Anna María Baldursdóttir Stjarnan

Anna Björk Kristjánsdóttir Stjarnan

Miðjumenn:

Dóra María Lárusdóttir Valur

Sara Björk Gunnarsdóttir Ldb Malmö

Katrín Ómarsdóttir Liverpool

Rakel Hönnudóttir Breiðablik

Dagný Brynjarsdóttir Valur

Þórunn Helga Jónsdóttir Avaldsnes

Framherjar:

Margrét Lára Viðarsdóttir Kristanstads DFF

Hólmfríður Magnúsdóttir Avaldsnes

Fanndís Friðriksdóttir Kolbotn IL

Harpa Þorsteinsdóttir Stjarnan

Guðmunda Brynja Óladóttir Selfoss