Vilt þú einræði á Íslandi?

Lesandi góður.

Hver yrðu fyrstu verk þín, ef þú hygðist tryggja þér einræði í einhverju landi?

Jú, vitaskuld myndir þú fyrst af öllu tryggja þér yfirráð yfir hernum, dómsvaldinu, lögreglu og fjármálunum. Þannig gætir þú trónað sem einvaldur. Hvernig hefur þetta verið á Íslandi á umliðnum áratugum? Ísland er að vísu herlaust land.

Þegar litið er til baka og sagan rifjuð upp kemur á daginn að Sjálfstæðisflokkurinn hefur ætíð lagt á það megináherslu í stjórnarmyndunum með öðrum flokkum að hafa sín megin ráðuneyti dómsmála og þar með yfirstjórn lögreglu, fjármálaráðuneytið og forsætisráðuneytið. Þessu fylgir vitaskuld sú viðleitni að koma „sínum mönnum" til valda í hinum ýmsu stofnunum og það hefur verið gert svikalaust.

Hin ráðuneytin, sem nær engu máli skipta í þessu samhengi, hafa gjarnan mátt vera í höndum samstarfsflokksins, s.s. heilbrigðismál, menntamál, félagsmál, umhverfismál, utanríkismál og fleiri.

Styður þú þessa einræðistilburði Sjálfstæðisflokksins í komandi kosningum, lesandi góður?