Berjast fyrir sölu á munntóbaki í Noregi og Svíþjóð

Norskir og sænskir stjórnmálamenn ætla að berjast fyrir því að munntóbak, eða snús eins og það er kallað, verði áfram til sölu í þessum löndum.

Bæði Noregur og Svíþjóð liggja undir miklum þrýstingi frá Evrópusambandinu um að banna sölu á snúsi. Tóbaksvarnasamtök vilja einnig banna snúsið.

Í fréttum í norrænum fjölmiðlum um málið er m.a. haft eftir sænska evrópuþingsmanninum Christofer Fjellner að óskir Evrópusambandsins séu gróf íhlutun í lífsstíl þeirra sem nota snús. Þar að auki sé um að ræða árás á heilbrigði Svía þar sem snús er minnst hættulegt af öllum tóbaksvörum.