Fyrirsætur snúa heim

Reykjavík Fashion Festival fer fram í þriðja sinn nú í lok mánaðarins. Ellefu íslenskir hönnuðir taka þátt í ár og má þar á meðal nefna ELLA, Kron by KronKron, Mundi, REY og Kalda.

Nú hefur einnig verið staðfest að nokkrar af vinsælustu fyrirsætum landsins munu snúa heim til Íslands til að taka þátt í tískuviðburðinum. Þeirra á meðal eru Elmar Johnson og Kolfinna Kristófersdóttir sem bæði hafa gengið sýningapallana í London, Mílanó og New York. 

Að auki munu Sara Karen Þórisdóttir, Svala Lind og Brynja Jónbjarnardóttir sýna á RFF í ár.