Sigurður valdi tvo nýliða | systurnar úr Eyjum í A-landsliðshópnum

Tveir nýliðar eru í A-landsliðshóp íslenska kvennalandsliðsins tekur þátt á Algarve Cup. Sigurður Ragnar Eyjólfsson tilkynnti val sitt í dag en fyrsti leikur Íslands er gegn Þjóðverjum þann 29.febrúar. Ísland lék til úrslita á þessu móti fyrir ári síðan. Svíþjóð og Kína eru einnig í riðlinum með Íslandi og Þýskalandi.

Alls valdi Sigurður Ragnar 21 leikmann og nýliðarnir eru Elísa Viðarsdóttir úr ÍBV og Katrín Ásbjörnsdóttir úr Þór frá Akureyri. Elísa er systir Margrétar Láru Viðarsdóttur sem leikur með Potsdam í Þýskalandi.

Fjórir leikmenn sem voru í landsliðshópnum á þessu móti fyrir ári síðan eru ekki með að þessu sinni. Edda Garðarsdóttir er enn að jafna sig eftir aðgerð á hné, Laufey Ólafsdóttir er meidd og Dagný Brynjarsdóttir er með beinmar í hné. Málfríður Erna Sigurðardóttir er í barneignafríi.

Ísland leikur eins og áður segir gegn Þjóðverjum 29. feb., Svíum 2. mars og og Kína 5. mars.

Hópurinn er þannig skipaður:

Katrín Jónsdóttir, Djurgården 111 leikir 19 mörk

Þóra Björg Helgadóttir, Ldb Malmö 81 leikir

Margrét Lára Viðarsdóttir, Potsdam 77 leikir, 63 mörk

Dóra María Lárusdóttir, Vitoria de Santao Anta, 71 leikir, 13 mörk

Hólmfríður Magnúsdóttir, Valur, 64 leikir, 26 mörk

Sara Björk Gunnarsdóttir, Ldb Malmö, 43 leikir, 10 mörk

Katrín Ómarsdóttir, Orange County Waves, 39 leikir, 5 mörk

Sif Atladóttir, Kristianstads DFF, 35 leikir

Rakel Hönnudóttir, Breiðablik 33 leikir 2 mörk

Guðný B. Óðinsdóttir, Kristianstads DFF, 28 leikir

Greta Mjöll Samúelsdóttir, Breiðablik, 24 leikir, 3 mörk

Guðbjörg Gunnarsdóttir, Djurgården, 19 leikir

Hallbera Guðný Gísladóttir, Pitea IF, 23 leikir, 1 mark.

Fanndís Friðriksdóttir, Breiðablik, 21 leikir.

Harpa Þorsteinsdóttir, Stjarnan, 16 leikir, 1 mark.

Þórunn Helga Jónsdóttir, Vitoria de Santao Anta, 7 leikir

Thelma Björk Einarsdóttir, Valur, 6 leikir

Mist Edvarsdóttir, Valur, 3 leikir

Gunnhildur Yrsa Jónsdóttir, Stjarnan, 1 leikir

Elísa Viðarsdóttir, ÍBV

Katrín Ásbjörnsdóttir, Þór