Seldi kvikmyndaréttinn að Napóleonsskjölunum Freyr Bjarnason skrifar 14. nóvember 2012 14:00 Arnaldi finnst Napóleonsskjölin vel til kvikmyndunar fallin og líst vel á nýju framleiðendurna. fréttablaðið/vilhelm Arnaldur Indriðason hefur undirritað samning við tvo erlenda kvikmyndaframleiðendur, Yellow Bird og Molten Rock Media, sem hafa hug á að kvikmynda bók hans Napóleonsskjölin. „Ég hef fengið fyrirspurnir héðan og þaðan í gegnum árin en ekkert orðið úr þar til núna að mér leist vel á að fá þessa ágætu framleiðendur að myndinni. Þeir hafa sýnt sögunni mikinn áhuga og finnst hún sérstaklega vel fallin til þess að kvikmynda. Ég tel að þeir hafi burði til þess að gera góða mynd úr henni“, segir Arnaldur, spurður út í samninginn. „Það hefur alltaf verið mín skoðun að Napóleonsskjölin hafi margt upp á að bjóða sem alþjóðleg spennumynd. Ekki síst áhugaverða kvenhetju.“ Sænska fyrirtækið Yellow Bird Pictures hefur meðal annars kvikmyndað bækur Hennings Mankell og Cornelíu Funke. Framkvæmdastjóri þess er Oliver Schundler sem hefur framleitt myndirnar Das Boot og The Neverending Story. Hinn aðilinn er Ralph Christians hjá þýska fyrirtækinu Molten Rock Media en hann var m.a. framleiðandi teiknimyndarinnar um Þór sem Óskar Jónasson leikstýrði. Hann hefur sömuleiðis framleitt þrjár sjónvarpsmyndir um Jack Taylor. Handritshöfundur tveggja þeirra er Marteinn Þórisson. Aðspurður um hvort kvikmyndin verði tekin upp á Íslandi og hvenær segir Christians: „Auðvitað tökum við upp á Íslandi. En ég get ekki sagt hvenær. Líklega eftir árið 2014.“ Napóleonsskjölin er þriðja bók Arnaldar og þar kemur lögreglumaðurinn Erlendur hvergi við sögu. Hún segir frá því er gamalt flugvélarbrak kemur upp úr ísnum í Vatnajökli. Af ókunnum ástæðum er bandaríski herinn á Miðnesheiði settur í viðbragðsstöðu. Þegar Kristín, lögfræðingur í utanríkisráðuneytinu, tekur að grafast fyrir um málið er hún rekin á háskalegan flótta til að bjarga lífi sínu. Napóleonsskjölin komu út á liðnu ári í Bandaríkjunum og hafa fengið góða dóma þar. Gagnrýnandinn Leslie Gilbert Elman hjá síðunni Criminalelement.com sagði hana bæði einstaka og heillandi og hún stæði bókum Clives Cussler, Alistairs McLean og Mankells mun framar. Bókmenntir Mest lesið Segist hafa gert merka uppgötvun nú þegar hann „nálgast endalok lífs“ síns Lífið „Þetta er lúmskt skrímsli“ Lífið Justin Bieber nýtur sín norður í landi Lífið Gerði samning við Apple: „Þetta er ótrúleg viðurkenning“ Lífið Risa fataherbergi í glæsilegri íbúð Patriks sem nú er til sölu Lífið Batinn á vefjagigt kom úr óvæntri átt Lífið samstarf Michael Bolton með ólæknandi krabbamein Lífið Rapphljómsveit til rannsóknar hjá hryðjuverkadeildinni Lífið Dóttir De Niro kemur út sem trans Lífið „Heyri allt í einu hversu steikt þetta er orðið“ þegar hún útskýrir veikindin fyrir vinum Menning Fleiri fréttir „Heyri allt í einu hversu steikt þetta er orðið“ þegar hún útskýrir veikindin fyrir vinum Íslendingar vekja athygli í menningarlífi Kaupmannahafnar Fimmtíu ára ljósmyndaveisla á sýningu GVA Arngunnur Ýr er bæjarlistamaður Hafnarfjarðar 2025 Lóa Hlín, Rán, Mars og Elías Rúni fá Barnabókaverðlaun Reykjavíkurborgar Hugmyndin kviknaði í New York þegar eldgos hófst heima Egill Heiðar Anton Pálsson tekur við sem leikhússtjóri Elti konuna sína yfir hálfan hnöttinn Fjöldi fólks á opnun fölsuðu verkanna Mario Vargas Llosa fallinn frá Alls 38 milljónum króna úthlutað úr Myndlistarsjóði Sá stórt tækifæri í fjárfestingarhlið listarinnar Klukkur og kaffibollar í partýi á Prikinu „Mikilvægt að gera hluti sem hann yrði stoltur af“ Fordæmd ást kúrekanna á fjallinu Sjá meira
Arnaldur Indriðason hefur undirritað samning við tvo erlenda kvikmyndaframleiðendur, Yellow Bird og Molten Rock Media, sem hafa hug á að kvikmynda bók hans Napóleonsskjölin. „Ég hef fengið fyrirspurnir héðan og þaðan í gegnum árin en ekkert orðið úr þar til núna að mér leist vel á að fá þessa ágætu framleiðendur að myndinni. Þeir hafa sýnt sögunni mikinn áhuga og finnst hún sérstaklega vel fallin til þess að kvikmynda. Ég tel að þeir hafi burði til þess að gera góða mynd úr henni“, segir Arnaldur, spurður út í samninginn. „Það hefur alltaf verið mín skoðun að Napóleonsskjölin hafi margt upp á að bjóða sem alþjóðleg spennumynd. Ekki síst áhugaverða kvenhetju.“ Sænska fyrirtækið Yellow Bird Pictures hefur meðal annars kvikmyndað bækur Hennings Mankell og Cornelíu Funke. Framkvæmdastjóri þess er Oliver Schundler sem hefur framleitt myndirnar Das Boot og The Neverending Story. Hinn aðilinn er Ralph Christians hjá þýska fyrirtækinu Molten Rock Media en hann var m.a. framleiðandi teiknimyndarinnar um Þór sem Óskar Jónasson leikstýrði. Hann hefur sömuleiðis framleitt þrjár sjónvarpsmyndir um Jack Taylor. Handritshöfundur tveggja þeirra er Marteinn Þórisson. Aðspurður um hvort kvikmyndin verði tekin upp á Íslandi og hvenær segir Christians: „Auðvitað tökum við upp á Íslandi. En ég get ekki sagt hvenær. Líklega eftir árið 2014.“ Napóleonsskjölin er þriðja bók Arnaldar og þar kemur lögreglumaðurinn Erlendur hvergi við sögu. Hún segir frá því er gamalt flugvélarbrak kemur upp úr ísnum í Vatnajökli. Af ókunnum ástæðum er bandaríski herinn á Miðnesheiði settur í viðbragðsstöðu. Þegar Kristín, lögfræðingur í utanríkisráðuneytinu, tekur að grafast fyrir um málið er hún rekin á háskalegan flótta til að bjarga lífi sínu. Napóleonsskjölin komu út á liðnu ári í Bandaríkjunum og hafa fengið góða dóma þar. Gagnrýnandinn Leslie Gilbert Elman hjá síðunni Criminalelement.com sagði hana bæði einstaka og heillandi og hún stæði bókum Clives Cussler, Alistairs McLean og Mankells mun framar.
Bókmenntir Mest lesið Segist hafa gert merka uppgötvun nú þegar hann „nálgast endalok lífs“ síns Lífið „Þetta er lúmskt skrímsli“ Lífið Justin Bieber nýtur sín norður í landi Lífið Gerði samning við Apple: „Þetta er ótrúleg viðurkenning“ Lífið Risa fataherbergi í glæsilegri íbúð Patriks sem nú er til sölu Lífið Batinn á vefjagigt kom úr óvæntri átt Lífið samstarf Michael Bolton með ólæknandi krabbamein Lífið Rapphljómsveit til rannsóknar hjá hryðjuverkadeildinni Lífið Dóttir De Niro kemur út sem trans Lífið „Heyri allt í einu hversu steikt þetta er orðið“ þegar hún útskýrir veikindin fyrir vinum Menning Fleiri fréttir „Heyri allt í einu hversu steikt þetta er orðið“ þegar hún útskýrir veikindin fyrir vinum Íslendingar vekja athygli í menningarlífi Kaupmannahafnar Fimmtíu ára ljósmyndaveisla á sýningu GVA Arngunnur Ýr er bæjarlistamaður Hafnarfjarðar 2025 Lóa Hlín, Rán, Mars og Elías Rúni fá Barnabókaverðlaun Reykjavíkurborgar Hugmyndin kviknaði í New York þegar eldgos hófst heima Egill Heiðar Anton Pálsson tekur við sem leikhússtjóri Elti konuna sína yfir hálfan hnöttinn Fjöldi fólks á opnun fölsuðu verkanna Mario Vargas Llosa fallinn frá Alls 38 milljónum króna úthlutað úr Myndlistarsjóði Sá stórt tækifæri í fjárfestingarhlið listarinnar Klukkur og kaffibollar í partýi á Prikinu „Mikilvægt að gera hluti sem hann yrði stoltur af“ Fordæmd ást kúrekanna á fjallinu Sjá meira