Bíó og sjónvarp

Harðskeytt Lala segir Pó til syndanna

Jón Hákon Halldórsson skrifar

Hann var eitthvað harðskeyttari en venjulega einn af Stubbunum þegar þeir Lala og Pó birtust á sjónvarpsstöðinni Stöð 2 krakkar.

Stubbarnir eru sýndir með íslensku tali líkt og flest allt barnaefni sem Stöð 2 sýnir og því óþarfi að hafa nokkurn texta. Ekki ber á öðru en að textavél Stöðvar 2 hafi bilað.

Texti virðist hafa birst á stað þar sem hann átti ekki að birtast og úr varð hin ágætasta skemmtun. Í það minnsta fyrir sjónvarpskonuna Svanhildi Hólm Valsdóttur, aðstoðarmann Bjarna Benediktssonar, formanns Sjálfstæðisflokksins.

Hún varð vör við þetta þegar hún horfði á sjónvarpið með dætrum sínum í morgun.

„Í morgun voru Stubbarnir óvænt sendir út með texta á Krakkarásinni.“

„Ég er ekki viss um að ég geti litið þessi krútt sömu augum hér eftir. Meðfylgjandi myndir varpa ef til vill ljósi á hvað er í raun og veru að gerast í Stubbaheiminum," segir Svanhildur á Facebook.

Sjá einnig: Lala fór með línur úr Sopranos


Tengdar fréttir

Lala fór með línur úr Sopranos

Það vakti verulega athygli þegar Vísir sagði frá beinskeyttum árásum Lala á Pó á Vísi í gær. Þar birtust myndbrot úr þætti sem sýndur var á sjónvarpsstöðinni Stöð 2 krakkar í gærmorgun. Svanhildur Hólm Valsdóttir, aðstoðarmaður Bjarna Benediktssonar, varð vör við textann þegar hún kveikti á sjónvarpinu um morguninn.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.