Ólafur Ragnar í beinni útsendingu á Stöð 2

1. júlí 2012 09:35

Sérstakur hádegisfréttatími tileinkaður forsetakosningunum verður í beinni útsendingu á Stöð 2 og Bylgjunni. Þar munu fréttamenn okkar fara yfir atburði gærkvöldsins og næturinnar og bein útsending verður frá Bessastöðum.

Þar mun fréttakonan Lóa Pind Aldísardóttir ræða við Ólaf Ragnar og sérfræðingar munu rýna í úrslitin. Allt þetta í beinni útsendingu á Stöð 2 í hádeginu.

Tengdar fréttir

Ari Trausti útilokar ekki framboð á ný

Þótt Ólafur Ragnar Grímsson sé augljós sigurvegari kosninganna eru niðurstöðurnar ekki upplífgandi fyrir hann, segir Ari Trausti Guðmundsson, forsetaframbjóðandi. Hann útilokar ekki að bjóða sig fram til forseta aftur að fjórum árum liðnum. Ari Trausti ræddi við Jóhönnu Margréti Gísladóttur, fréttamann Stöðvar 2 og Vísis, um miðnættið í kvöld.

1. júlí 2012 02:21

Lokatölur yfir landið: Ólafur 52,78%

Ólafur Ragnar Grímsson hlaut 52,78% atkvæða yfir landið allt, en Þóra Arnórsdóttir 33,16% samkvæmt lokatölum sem birtust um klukkan hálfátta í morgun á kosningavef RÚV. Ólafur Ragnar hefur því verið endurkjörinn forseti Íslands til næstu fjögurra ára. Ari Trausti Guðmundsson hlaut 8,64%, Herdís Þorgeirsdóttir 2,63%, Andrea Ólafsdóttir 1,8% og Hannes Bjarnason 0,98%. Heildarkjörsókn yfir landið allt var 69%.

1. júlí 2012 08:08

Ólafur er sigurvegari kosninganna

Ljóst er að Ólafur Ragnar Grímsson hefur verið endurkjörinn sem forseti lýðveldisins. Eins og staðan er núna á landinu öllu fær Ólafur 51,5% atkvæða. Þóra Arnórsdóttir fær 33,7% atkvæða. Ari Trausti er í þriðja sæti með 8,9%. Herdís og Andrea fá báðar 2,5% atkvæða og Hannes rekur lestina með minna en eitt prósent atkvæða.

1. júlí 2012 02:20

Fjallað um sigur Ólafs erlendis

Fjallað er um íslensku forsetakosningarnar á forsíðu fréttamiðilsins BBC. Þar er því slegið fram að Ólafur eigi fyrir höndum fimmta kjörtímabilið á Bessastöðum og að Þóra hafi þegar lýst sig sigraða.

1. júlí 2012 01:51

Ólafur enn með yfirburði í Reykjavík

Ólafur Ragnar Grímsson er enn með sterka stöðu þegar um 19 þúsund atkvæði hafa verið talin í báðum Reykjavíkurkjördæmunum. Hann er með um 50,5% atkvæði í Reykjavík suður en um 46% í Reykjavík norður.

1. júlí 2012 00:21

Þóra: Sigur að ná þriðjungi atkvæða

Þóra Arnórsdóttir forsetaframbjóðandi og fjölmiðlamaður var kampakát eftir að fyrstu tölur voru kynntar í kvöld. "Það að ná meira en þriðjungi atkvæða er alveg ótrúlegur sigur,“ sagði hún í samtali við fréttamann á Stöð 2 og Vísi. Kjörsókn hefur verið afar dræm en Þóra sagðist ekki geta tjáð sig hvaða áhrif það hefði. "Hún hefur sjálfsagt eitthvað að segja en í hvaða átt get ég ekki sagt,“ sagði Þóra.

1. júlí 2012 01:18

Herdís sér ekki eftir neinu

Herdís Þorgeirsdóttir forsetaframbjóðandi segist ekki sjá eftir neinu sem hún hafi gert á undanförnum mánuðum.

1. júlí 2012 03:10

Talningu atkvæða lokið í Reykjavík

Búið er að telja atkvæði í Reykjavíkurkjördæmi suður. Alls hafa 30.837 atkvæði verið talin. Ólafur fékk flest atkvæði í kjördæminu. Næst á eftir honum kom Þóra Arnórsdóttir.

1. júlí 2012 02:46

Barn Þóru heitir Ásdís Hulda

Þóra opinberaði nafn nýfæddrar dóttur sinnar í kvöld. Hún á að heita Ásdís Hulda Svavarsdóttir. Í ræðu sem Þóra hélt á kosningavöku sinni í Hafnarhúsinu hélt hún því fram að stúlkan væri pottþétt á topp fimm lista yfir feitustu fimm vikna börn á landinu. Því þyrfti fólk ekki að hafa áhyggjur af velferð þessa unga fjölskyldumeðlims þó móðir hennar hefði verið í kosningabaráttu. Stúlkan hefur hingað til gengið undir nafninu Litla Ský.

1. júlí 2012 00:21

Ólafur: Skoðanakannanir og veðrið haft áhrif á kosningaþátttöku

Ólafur Ragnar Grímsson, forseti Íslands, útilokar ekki að niðurstöður skoðanakannana undanfarna daga hafi haft áhrif á það hversu lítil kosningaþátttaka var í forsetakosningunum í dag. Í Reykjavík norður er hún um 50% en í Reykjavík suður um 55%.

1. júlí 2012 00:56

Þóra segist hafa brotið blað í sögunni

Þóra Arnórsdóttir segist hafa brotið blað í Íslandssögunni með framboði sínu. Þetta sagði hún þegar hún ávarpaði stuðningsmenn sína á kosningavöku í Hafnarhúsinu í kvöld. Þar sagði hún að með framboðinu hefði verið og uppskar mikil fagnaðarlæti stuðningsmanna sinna.

1. júlí 2012 00:04