Herdís sér ekki eftir neinu

Herdís Þorgeirsdóttir forsetaframbjóðandi segist ekki sjá eftir neinu sem hún hafi gert á undanförnum mánuðum.

„Ég sé ekki eftir neinu. Ég er mjög þakklát," segir Herdís og bætir því við að kosningabaráttan hafi verið vel þess virði að fara í hana. Hún segir að baráttan hafi gefið sér sem fræðimanni heilmikið efni til skoðunar

Hún segir hættulegt ef frambjóðendur þurfi mikið fjármagn eða stuðning stjórnmálaflokka á þingi til þess að fá brautargengi í kosningum. „Þessir flokkar sem eru nú í kerfinu njóta ekki traust almennings," segir hún.

Herdís segist ætla að halda áfram fyrri störfum eftir helgi. Meðal annars að vinna að mannréttindamálum á vettvangi Evrópuráðsins og halda áfram lögfræðistörfum.