Valencia rúllaði AZ Alkmaar upp og fór áfram

Valencia er komið í undanúrslit Evrópudeildarinnar í knattspyrnu eftir öruggan sigur á AZ Alkmaar í síðari viðureign liðanna á Spáni 4-0.

Alkmaar, sem vann 2-1 sigur í fyrri leik liðanna, lenti 2-0 undir snemma leiks og náði ekki að rétta sinn hlut eftir það.

Adil Rami skoraði með tveggja mínútna millibili í fyrri hálfleik og Jordi Alba bætti við marki snemma í síðari hálfleik og Pablo bætti við marki tíu mínútum fyrir leikslok.

Jóhann Berg Guðmundsson byrjaði á varamannabekk AZ Alkmaar í Valencia í kvöld en var skipt inná í leikhléi. Hann var hins vegar í byrjunarliðinu þegar AZ lagði Valencia 2-1 í fyrri leiknum.

Valencia - AZ Alkmaar 4-0

1-0 Adil Rami 15. mín

2-0 Adil Rami 17. mín

3-0 Jordi Alba 56. mín

4-0 Pablo 80. mín