Rændi banka og fékk sér pítsu og bjór

Rúmlega fimmtugur karlmaður var handtekinn í Yuma í Arizona í Bandaríkjunum um helgina eftir að hann rændi banka. Maðurinn gekk inn í bankann skömmu eftir hádegi á laugardaginn vopnaður hnífi og heimtaði að fá peninga.

Samkvæmt fréttastofu AP komst maðurinn undan með ótilgreinda fjárhæð. En í stað þess að forða sér í burtu hljóp maðurinn á næsta skyndibitastað og pantaði sér pítsu og bjór.

Það tók ekki langan tíma fyrir lögregluna að hafa upp á manninum, því hann var handtekinn áður en hann fékk að bragða á flatbökunni