Besta og versta af Chloé Sevigny

Leikkonan Chloé Sevigny hefur lengi verið talin ein sú smekklegasta í bransanum. Hún fer ótroðnar slóðir við klæðaval og hefur oftar en ekki verið langt á undan straumnum.

En þeir bestu geta einnig stigið feilspor og ef litið er yfir farinn veg má sjá að ungfrú Sevigny á sína góðu og slæmu daga.

Þessi túrkisblái kjóll er líklega barn síns tíma og virðist á skjön við persónuleika Sevigny.

Leikkonan klæddist þessum formlausa kjól í veislu á vegum Dior-tískuhússins árið 2004.

Á meðan aðrir klæddust támjóum skóm klæddist Sevigny skóm með rúnnaðri tá í veislu árið 2001.

Sevigny klæðist gjarnan kjólum í þessari sídd og leyfir fallegum fótleggjunum að njóta sín. Hún klæddist þessum kjól á tískusýningu árið 2005.

Leikkonan klæðist sætum kjól við blazer-jakka á tískuvikunni í New York árið 2008.