Justin skotinn í Pippu

Popparinn Justin Timberlake hefur viðurkennt að hann sé spenntur fyrir Pippu Middleton, systur Katrínar hertogaynju af Cornwall.

„Við bandarískir karlmenn erum miklir aðdáendur Pippu. Við erum mjög hrifnir af Middleton-systrunum. Ég er farinn að hljóma eins og skíthæll, ég ætla að hætta að tala núna," sagði Justin í viðtali við tímaritið Esquire.

Justin og leikkonan Jessica Biel tóku nýverið aftur saman eftir stuttan aðskilnað.

Pippa Middleton hefur verið mikið á milli tannanna á fólki eftir brúðkaup systur hennar og Vilhjálms Bretaprins fyrr á þessu ári. Meðal annarra karlmanna sem lýst hafa aðdáun sinni á henni er söngvarinn Cee Lo Green.