Vals og rokkkeyrsla

Gímaldin hefur gefið út plötuna Þú ert ekki sá sem ég valdi. Hljómsveitin, með Gísla „Gímaldin“ Magnússon í forgrunni, var stofnuð í byrjun síðasta árs. „Þetta er allt frá þessum rólegu völsum eins Cowboy Junkies kalla þetta, upp í að vera alvöru rokkkeyrsla,“ segir Gísli um plötuna sem var tekin upp „live“ undir stjórn Garðars Eiðssonar. Með Gísla í bandinu eru Gísli Már Sigurjónsson og Þorvaldur H. Gröndal. Til að bæta þriðja Gíslanum við var ákveðið að fá blokkflautuleikarann Gísla Helgason til að spila í laginu Þjóðsaga. Gísli „Gímaldin“ hefur mikið spáð í gömul logos-fræði sem snúast um mátt orðsins. Síðasta plata hans, Sungið undir radar, fór einmitt undir radarinn að hans sögn. „Nöfn hafa galdrakraft í sér og þegar þú skírir plötu Sungið undir radar, eru miklar líkur á því að hún fari undir radarinn,“ segir hann í léttum dúr. - fb