Framkvæmdir í fimm ár - Húsafriðunarnefnd frétti það síðasta sumar

Þrátt fyrir að framkvæmdir og undirbúningur hafi staðið við Þorláksbúð í Skálholti síðustu fimm ár vissi Húsafriðunarnefnd ekki af þeim fyrren í sumar og ákvað að grípa inn í.

Húsafriðunarnefnd ákvað á fundi sínum á þriðjudag að grípa til skyndifriðunar Skálholtsskóla, Skálholtskirkju og nánasta umhverfis, það er opna svæðið sem tengir þessar byggingar saman en það setur framkvæmdir við Þorláksbúð í uppnám.

„þetta hárfína jafnvægi milli Skálholtsdómkirkju og Skálholtsskóla það raskast við þessa byggingu," Nikulás Úlfar Másson, forstöðumaður Húsafriðunarnefndar.

Nefndin leggur til að reisa Þorláksbúð á öðrum stað þar sem áhrif á núverandi ásýnd Skálholtsstaðar er hóflegri.

„En hefði ekki mátt bregðast fyrr við þessu? við brugðumst við þessum um leið og við fréttum af því," segir Nikulás.

Það er hins vegar ekki eins og framkvæmdin hafi farið huldu höfð, undirbúningur stóð yfir í fimm ár með reglulegum fréttaflutningi. Til að mynda birti fréttastofa stöðvar tvö þessar myndir og tölvuteikningar í júlí 2010 þegar framkvæmdir hófust og fréttablaðið fjallaði um framkvæmdina í september 2010.

Það var hins vegar ekki fyrren Þorkell Helgason skrifaði grein í morgunblaðið í ágúst síðastliðnum um búngaló við skálholtskirkju að framkvæmdin komst í hámæli og húsafriðunarnefnd ákvað að kanna málið en Nikulás segir að hafa hefði mátt samband við þá.