Eiður Aron og Jóhann Laxdal til Úkraínu og Englands

Eyjólfur Sverrisson, þjálfari 21 árs landsliðsins , hefur gert tvær breytingar á hópnum er leikur tvo vináttulandsleiki í Úkraínu og Englandi, 24. og 28. mars.  

Eyjólfur hefur valið þá Eið Aron Sigurbjörnsson úr ÍBV og Jóhann Laxdal úr Stjörnunni í hópinn og koma þeir í stað Hjörts Loga Valgarðssonar og Skúla Jóns Friðgeirssonar sem eru meiddir.

Eyjólfur gat ekki valið tíu leikmenn í landsliðshópinn sinn sem eru uppteknir með A-landsliðinu í leik á móti Kýpur en einhverjir þeirra gætu þó komið inn fyrir seinni leikinn.