Borgarstjóri Parísar fordæmir mótmæli öfga kristinna við leikhús

Öfgahópur kristinna einstaklinga hafa verið fordæmdir af borgarstjóra Parísarborgar en hópurinn mótmælir heiftúðlega fyrir utan leikhús í borginni í hvert skiptið sem sýningin „On the Concept of the Son of God's Face“ er sett upp.

Leikritið þykir ögrandi en það fjallar um mann sem er að eldast og tekst á við föður sinn sem skortir alla sjálfsstjórn. Hluti af sviðsmyndinni er stór andlitsmynd af Jesú en í lok sýningarinnar kastar söguhetjan hlut í andlitsmyndina.

Þetta virðist hafa farið svo mikið fyrir brjóstið á kristnu mótmælendunum að þeir taka sér stöðu fyrir utan leikhúsið vopnaðir krossum og slagorðum. Einu sinni fóru þeir inní leikhúsið og mótmæltu á meðan sýningunni stóð.

Óeirðarlögreglan hefur þurft að vakta leikhúsið á meðan sýningum stendur og hafa mótmælendum og lögreglu oftsinnis lent saman.

Borgarstjóri Parísar, Bertrand Delanoe, fordæmir umburðarleysi mótmælendanna og vanvirðingu við tjáningarfrelsið.

Leikstjóri sýningarinnar hafa ítrekað borist líflátshótanir. Í viðtali við fréttavef AP segir hann að sýningin verði engu að síður að halda áfram.