Ólafur búinn að velja Portúgalshópinn

Ólafur Jóhannesson, landsliðsþjálfari karla í knattspyrnu, hefur valið hópinn sem mætir Portúgal í undankeppni EM en leikið verður í Porto, föstudaginn 7. október. Þetta er lokaleikur Íslands í riðlinum og síðasti leikur íslenska A-landsliðsins undir stjórn Ólafs.

Ólafur velur 21 leikmenn í hópinn að þessu sinni og koma bæði Aron Einar Gunnarssson og Gylfi Þór Sigurðsson inn í hópinn eftir meiðsli. Hermann Hreiðarsson og Heiðar Helguson eru hinsvegar áfram utan hópsins.

Veigar Páll Gunnarsson er heldur ekki valinn í hópinn þrátt fyrir að hafa sent frá sér afsökunarbeiðni á dögunum.

Portúgalir eru í harðri baráttu um efsta sæti riðilsins sem gefur þátttökurétt í úrslitakeppni EM 2012 sem fram fer í Úkraínu og Póllandi.

Portúgal, Danmörk og Noregur eru öll með 13 stig, Noregur eftir sjö leiki en Portúgal og Danmörk eftir sex leiki. Ísland er með fjögur stig eftir sigur á Kýpur í síðasta leik.



Hópur Íslands á móti Portúgal:

Markmenn

Gunnleifur Gunnleifsson, FH

Stefán Logi Magnússon, Lilleström SK

Hannes Þór Halldórsson, KR

Varnarmenn

Indriði Sigurðsson, Viking FK

Kristján Örn Sigurðsson, Hønefoss BK

Birkir Már Sævarsson, SK Brann

Sölvi Geir Ottesen Jónsson, FC København

Arnór Sveinn Aðalsteinsson, Hønefoss BK

Hjörtur Logi Valgarðsson, IFK Gautaborg

Hallgrímur Jónasson, SönderjyskE

Miðjumenn

Aron Einar Gunnarsson, Cardiff City FC

Helgi Valur Daníelsson, AIK

Jóhann Berg Guðmundsson, AZ

Eggert Gunnþór Jónsson, Heart of Midlothian FC

Rúrik Gíslason, OB

Birkir Bjarnaso, Viking FK

Matthías Vilhjálmsson, FH

Gylfi Þór Sigurðsson, TSG Hoffenheim

Sóknarmenn

Eiður Smári Guðjohnsen, AEK FC

Kolbeinn Sigþórsson, AFC Ajax

Alfreð Finnbogason, KSC Lokeren OV