Bale: Er með mikið sjálfstraust

Walesverjinn Gareth Bale var maður kvöldsins í Meistaradeildinni en hann lék varnarmenn Evrópumeistara Inter grátt í kvöld og var maðurinn á bak við stórbrotinn sigur Spurs á Inter.

"Það er mikið sjálfstraust hjá mér þessa dagana og mér líður vel með boltann. Liðið er líka að spila vel og við sýndum það í kvöld. Þegar liðið spilar vel þá blómstra ég," sagði Bale eftir leikinn.

"Ég er annars að njóta þess að spila fótbolta, reyni að gera það sem ég geri best og njóta mín í leiðinni. Ég vissi alltaf hvað ég gæti í fótbolta."