Sendiherra Bandaríkjanna: Enginn eltur hér á landi

Sendiherra Bandaríkjanna á Íslandi, Luis E. Arreaga, segir sendiráðið ekki standa fyrir njósnum hér á landi en játar að eftirlitssveit hafi verið verið starfrækt. Þetta sagði hann í viðtali í Kastljósi í kvöld.

Aðspurður hvert hlutverk eftirlitssveitarinnar hafi verið svaraði Luis því til að hann gæti ekki farið út í smáatriði en tók sem dæmi að ef starfsmaður sendiráðsins sæi sama manninnn ganga þrisvar fjórum sinnum framhjá sendiráðinu, og starfsmaðurinn upplifi það sem sérkennilega hegðun, þá væri hringt í lögregluna og hún látin vita.

Hann þvertók fyrir að nokkur maður yrði eltur eða að upplýsingum um hann væri safnað.

Fram hefur komið í norrænum fjölmiðlum að bandarísk sendiráð hefðu njósnað um þegna gistiríkisins. Luis þvertekur fyrir að svo sé á Íslandi.

Þess má svo geta að Luis heldur úti bloggi sem má nálgast hér.