Sigurinn á Úlfunum gefur mönnum trú fyrir Barcelona-leikinn

Daninn Nicklas Bendtner segir að sigurinn á Wolves um helgina sýni svo ekki verði um villst að liðið eigi möguleika á að skella Barcelona í seinni leik liðanna í Meistaradeildinni.

Bendtner segir að baráttuandinn sem Arsenal sýndi í leiknum sé sá sami og liðið verði að sýna á Camp Nou í seinni leiknum.

„Trúin og karakterinn sem við höfum sýnt í öllum leikjum er ástæðan fyrir öllum þessum mörkum á elleftu stundu. Við héldum áfram að skapa okkur færi og fengum á endanum það sem við áttum skilið. Mikilvægast var að fá stigin þrjú og nú getum við hugsað um Barcelona," sagði Daninn en Arsenal má væntanlega búast við meiri mótspyrnu frá Barcelona en Úlfunum.