Flytja Jóhannesarpassíuna

Einsöngvarar úr röðum Kórs Langholtskirkju ásamt Þorbirni Rúnarssyni tenór flytja á föstudaginn langa Jóhannesar­passíuna eftir J.S. Bach. Fluttar verða útleggingar Bachs á píslarsögunni í kórum og aríum. Píslarsaga Jóhannesarguðspjallsins er lesin og hugleiðingar Bachs fluttar á þeim stöðum sem við á. Lesari er Ingvar E. Sigurðsson leikari. Strengjakvartett leikur með og stjórnandi er Jón Stefánsson.

Einsöngvarar úr röðum kórfélaga eru: María Vigdís Kjartansdóttir sópran, Vala Sigríður Guðmundsdóttir Yates sópran, Arnheiður Eiríksdóttir alt, Lilja Dögg Gunnarsdóttir alt, Andri Björn Róbertsson bassi og Magnús Guðmundsson bassi. Tónleikarnir hefjast kl. 20.00.