Jón Gnarr gaf Degi The Wire

2. júní 2010 15:20

Jón Gnarr, formaður Besta flokksins afhenti Degi B. Eggertssyni, oddvita Samfylkingarinnar í Reykjavík fyrstu þáttaröðina af bandarísku sjónvarpsþáttunum The Wire í gær. Jón setti það sem skilyrði um miðjan síðasta mánuð að forystumenn hugsanlegs samstarfsflokks hefðu séð þættina. Síðan þá hefur það verið ófrávíkjanleg krafa Besta flokksins að samstarfsflokkurinn hafi horft á þættina.

„Mér finnst það fara mikið eftir því hverjir hafi séð sjónvarpsþættina The Wire," sagði Jón í samtali við Vísi 17. maí. Þegar samningaviðræður Samfylkingarinnar og Besta flokksins um meirihlutasamstarf hófust kom í ljós að Dagur hafði ekki séð þættina, en Jón sagði Dag hafa gert það óviljandi.

The Wire eru margslungnir bandarískir sjónvarpsþættir sem gerast í Baltimore í Maryland og fjalla á raunsæjan hátt um hina ýmsu þætti samfélagsgerðarinnar þar í borg. Þeir voru frumsýndir árið 2002 og luku göngu sinni 2008 eftir að sextíu þættir höfðu verið framleiddir í alls fimm þáttaröðum. Sýningar á fimmtu þáttaröðinni hefjast einmitt klukkan 22.10 á Stöð 2 á morgun.

Hagkaup auglýsir þættina í Fréttablaðinu í dag.

Í kjölfar umtalsins um The Wire ákvað Hagkaup að auglýsa þættina með heilsíðuauglýsingu í Fréttablaðinu í dag.

Tengdar fréttir

Þreifingar byrjaðar í Reykjavík

Eftir söguleg úrslit kosninganna í gær með sex kjörna fulltrúa hefur Besti flokkurinn framtíð Reykjavíkurborgar í hendi sér, en alls óvíst er hvort myndaður verði meirihluti.

30. maí 2010 18:34

Besti flokkurinn og Samfylkingin eru byrjuð í samningaviðræðum

Besti flokkurinn og Samfylkingin eru byrjuð í samningaviðræðum um meirihlutasamstarf í borgarstjórn Reykjavíkur.

30. maí 2010 18:56

Hvað er eiginlega The Wire?

Jón Gnarr, formaður Besta flokksins, hefur sett það sem skilyrði að samstarfsmenn sínir í borgarstjórn hafi horft á sjónvarpsþáttaröðina The Wire. En hvers konar þættir eru þetta eiginlega?

1. júní 2010 04:00

Skilyrði fyrir samstarfi að viðkomandi hafi horft á The Wire

„Ég bjóst við meiru. Það var sjokkerandi að heyra að það væru ekki fleiri að kjósa Besta flokkinn,“ segir Jón Gnarr sem er ótvíræður sigurvegari í skoðanakönnun sem MMR gerði fyrir Sjálfstæðisflokkinn og Stöð 2 greindi frá en þar kemur í ljós að Besti flokkurinn nær 6 fulltrúum inn í borgarstjórn fari kosningar eins og könnunin gefur til kynna.

17. maí 2010 20:32

The Wire og Ray Ban geta leitt til meirihlutasamstarfs

Ekki er útlit fyrir annað en að tveir eða fleiri flokkar myndi meirihluta í borgarstjórn Reykjavíkur að kosningum loknum.

29. maí 2010 12:18

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.