Uppstokkun gæti orðið dýr

Stjórnendur Haga eru mótfallnir stjórnarfrumvarpi um breytingar á Samkeppniseftirlitinu.

Frumvarpið var lagt fram á Alþingi í mars og gæti veitt Samkeppniseftirlitinu víðtækar heimildir til að grípa inn í rekstur og skipulag fyrirtækja sem stofnunin telur að hamli samkeppni. Þar á meðal fær eftirlitið heimild til að stokka upp fyrirtæki þótt þá séu ekki talin hafa brotið gegn ákvæðum samkeppnislaga. Það liggur nú hjá Viðskiptanefnd Alþingis.

Í umsögn Haga, sem undirritað er af Finni Árnasyni forstjóra og Þórði Bogasyni lögmanni, er tekið undir gagnrýni annarra umsagnaraðila, svo sem Viðskiptaráðs, Samtaka atvinnulífsins, Samtaka viðskipta- og þjónustu og Samtaka fjármálafyrirtækja. Í umsögn Haga er bent á að hætta felist í því að einni stofnun svo óheft vald og ætlað sé að veita Samkeppniseftirlitinu.

Stjórnendur Haga segja Samkeppniseftirlitið hafa lengi haft horn í síðu fyrirtækisins. Uppstokkun á því geti skilað sér í hærra vöruverði en ella, aukinni verðbólgu og skili það sér í hækkun á vísitölu neysluverðs. Þá kunni það að valda uppsögnum á starfsfólki, sem myndi helst bitna á ófaglærðu fólki.- jab