Benitez: Mourinho hentar ekki Real Madrid

Rafa Benitez telur að Jose Mourinho sé ekki rétti maðurinn til að taka við liði Real Madrid.

Mourinho hefur verið sterklega orðaður við stjórastöðuna hjá Real Madrid og sjálfur hefur hann sagt að hann vilji gerast þjálfari liðsins einn daginn.

„Ég veit að Mourinho dreymir mikið um að fá að þjálfa Real Madrid en ég veit ekki hvort hann sé rétti maðurinn til þess," sagði hann.

„[Manuel] Pellegrini hefur staðið sig mjög vel í sínu starfi. Hann er enn knattspyrnustjóri liðsins og á skilið að honum sé sýnd virðing. Það er ekki gaman að þurfa að heyra um hver eigi að taka við af þér," sagði Pellegrini.

Benitez hefur sjálfur verið orðaður við Real Madrid á undanförnum árum en hann starfaði sem þjálfari hjá liðinu frá árunum 1989 til 1995.