Umfjöllun: Haukar fallnir niður í fyrstu deild

Fylkismenn sendu Hauka niður í fyrstu deildina í dag er liðin mættust í næst síðustu umferð Pepsi-deildarinnar. Andrés Már fór mikinn í liði heimamanna með tvö mörk og Ingimundur Níels var einnig á markaskónum í 3-0 sigri Fylkis.

Heimamenn byrjuðu betur en Andrés Már Jóhannesson kom Fylki yfir með hörkuskoti fyrir utan teig strax á sjöundu mínútu.

Ingimundur Níels bætti við öðru markinu eftir hálftíma en boltinn barst til hans við vítateigslínuna og hamraði hann knöttinn í fjærhornið.

Andrés Már var svo aftur á ferðinni tíu mínútum síðar en hann skoraði af stuttu færi eftir mikla baráttu í teig gestanna.

Gestirnir vöknuðu um stund í síðari hálfleik en náðu í raun aldrei neinum takti í sinn leik. Fylkismenn fengu nokkur góð færi sem þeir fóru ílla með. Ingimundur Níels slapp einn í gegn undir lokin en Daði Lárusson varði meistaralega frá honum. Arnar Gunnlaugsson átti svo hættulegt skot í stöng í uppbótartíma rétt áður en flautið ómaði um Árbæinn og Haukar þar með fallnir úr deild þeirra bestu þar sem Grindvíkingar náðu jafntefli gegn KR.

Fylkir-Haukar 3-0 (3-0)

1-0 Andrés Már Jóhannesson (7.)

2-0 Ingimundur Níels Óskarsson (30.)

3-0 Andrés Már Jóhannesson (40.)

Fylkisvöllur. Áhorfendur: 1187

Dómari: Einar Örn Daníelsson (7)

Skot (á mark): 12-9 (8-4)

Varin skot: Fjalar 4 - Daði 5

Horn: 4-4

Aukaspyrnur fengnar: 7-11

Rangstöður: 5-2

Fylkir (4-3-2-1):

Fjalar Þorgeirsson 7

Ásgeir Örn Arnþórsson 6

Þórir Hannesson 7

Davíð Þór Ásbjörnsson 5

(18. Kristján Valdimarsson 6)

Kjartan Ágúst Breiðdal 7

Ingimundur Níels Óskarsson 6

Valur Fannar Gíslason 7

Ásgeir Börkur Ásgeirsson 6

Andrés Már Jóhannesson 8 - Maður leiksins

(66. Ólafur Ingi Stígsson 6)

Tómas Þorsteinsson 6

Albert Brynjar Ingason 5

(40. Andri Már Hermannsson 6)

Haukar (4-3-3):

Daði Lárusson 7

Grétar Atli Grétarsson 4

Daníel Einarsson 4

Jamie McCunnie 4

Kristján Ómar Björnsson 5

Guðjón Pétur Lýðsson 4

Arnar Gunnlaugsson 6

Hilmar Geir Eiðsson 5

Úlfar Hrafn Pálsson 4

(58. Magnús Björgvinsson 5)

Hilmar Rafn Emilsson 5

(80. Garðar Ingvar Geirsson -)

Ásgeir Þór Ingólfsson 4

(58. Hilmar Trausti Arnarsson 4)