Sneijder spilar gegn CSKA

Wesley Sneijder meiddist ekki alvarlega á æfingu Inter í gær og hann mun spila með liðinu gegn CSKA Moskva á gervigrasinu í dag.

Sneijder verður væntanlega í byrjunarliði Inter og mun spila fyrir aftan Goran Pandev, Diego Milito og Samuel Eto´o.

Leikmenn Inter tóku því rólega í morgun og fengu sér meðal annars göngutúr á rauða torginu áður en Mourinho hitti mannskapinn á lokafundi fyrir leikinn.

Leikurinn hefst snemma eða klukkan 16.30. Hann verður í beinni útsendingu á Stöð 2 Sport.

Inter vann fyrri leikinn á Ítalíu, 1-0.