Framkvæmdastjóri BÍ hafnar gagnrýni á reikninga félagsins

Hjálmar Jónsson, framkvæmdastjóri Blaðmannafélags Íslands, segir að ákvörðun sín um framboð hafi nú dregið þann dilk á eftir sér að reynt hafi verið að þyrla upp moldviðri um reikninga félagsins. Hann segist hafa tekið ákvörðun um formannsframboð þegar ljóst var að ekkert mótframboð bærist gegn sitjandi formanni, þrátt fyrir kraumandi óánægju innan félagsins eins og hann orðar það.

Þetta kemur fram í tilkynningu sem hann sendi frá sér en hluti stjórnarmanna, þar á meðal formaður og varaformaður félagsins, neituðu að undirrita ársreikning félagsins á stjórnarfundi í gærkvöldi.

Hjálmar segir að gagnrýnin eigi ekki við nein rök að styðjast.

Yfirlýsingu Hjálmars má lesa í heild sinnig hér fyrir neðan.