Evrópudeildin: Sigrar hjá ensku- og Íslendingaliðunum

Liverpool vann nauman sigur, 1-0, á tyrkneska liðinu Trabzonspor í Evrópudeild UEFA í kvöld.

Það var Ryan Babel sem skoraði eina mark leiksins rétt fyrir leikhlé.

Joe Cole er ekki að byrja vel með Rauða hernum en hann klúðraði vítaspyrnu í kvöld. Hann fékk eins og kunnugt er að líta rauða spjaldið um síðustu helgi gegn Arsenal.

Man. City vann fínan 0-1 sigur á Timisoara þar sem Ítalinn Mario Balotelli stimplaði sig inn með marki í fyrsta leik.

Jóhann Berg Guðmundsson var í byrjunarliði AZ Alkmaar sem lagði Aktobe, 2-0. Kolbeinn Sigþórsson spilaði síðustu 16 mínúturnar í leiknum.

Rúrik Gíslason lék síðan í 74 mínútur fyrir OB sem lagði Blikabanana í Motherwell, 2-1.