Gerðu óspart grín að Páli og Katrínu

Fangavaktin og Bjarnfreðarson unnu flestar Eddur á Edduverðlaunahátíðinni sem fram fór í gærkvöld. Kvikmyndagerðarmenn notuðu tækifærið og gerðu óspart grín að útvarpsstjóra og menntamálaráðherra vegna fyrirhugaðs niðurskurðar.

Fangavaktin og Bjarnfreðarson unnu sex Eddur hvor. Meðal annars fyrir bestu bíómyndina, besta leikna sjónvarpsefnið, besta leikara í karlhlutverki, Jón Gnarr, og besta meðleikara í karlhlutverki, Björn Thors.

Þóra Arnórsdóttir og Egill Helgason mega líka vel við una. Þóra vann sjónvarpsmann ársins og þátturinn hennar Útsvar vann besta skemmtiþátt ársins. Báðir þættirnir hans Egils unnu til verðlauna. Silfrið vann besta frétta- eða viðtalsþátt og Kiljan vann besta menningar- eða lífstílsþátt.

Mamma Gógó vann þrjár Eddur. Fyrir tónlist, leikmynd og fyrir leik Kristbjargar Kjeld, en fór með aðalhlutverk myndarinnar.

Algjör Sveppi og leitin að Villa vann besta barnaefnið, Draumalandið bestu heimildarmyndina og íslenska þjóðin vann heiðursverðlaunin fyrir að styðja svo vel við íslenskt framleiðslu. En síðasta ár voru mörg áhorfs- og aðsóknarmet að íslensku efni slegin.

Á hinn bóginn fékk ríkisstjórnin, Katrín Jakobsdóttir menntmálaráðherra og Páll Magnússon útvarpsstjóri að heyra það fyrir þann niðurskurð sem boðaður hefur verið á kvikmyndagerðarmenn. Margar þakkarræður í gær voru lagðar undir gagnrýni á þessa ráðstöfun.