Guardiola: Vil að leikmenn njóti leiksins

Pep Guardiola, þjálfari Barcelona, hvetur sína menn til þess að mæta jákvæða til leiks gegn Inter annað kvöld en mikið er gert úr því að liðið þurfi að sækja linnulaust til þess að komast í úrslitaleikinn.

„Inter er stórbrotið lið. Það eru allir að tala um ykkur en miklu minna talað um Inter. Það er ljóst að við þurfum að halda boltanum og stýra leiknum. Við verðum líka að sækja meira en í fyrri leiknum. Við erum samt kátir og það er bara ánægjulegt að eiga svona erfitt verkefni fyrir höndum. Ég vil að leikmenn viti að það séu forréttindi að spila slíkan leik, það er heiður sem leikmenn fá kannski ekki að upplifa aftur," sagði Guardiola á blaðamannafundi í kvöld.

„Ég vil að leikmenn njóti leiksins í botn og vil að stuðningsmennirnir sjái að þeir séu að taka þátt í miklu teiti. Ég veit ekki hvort við komumst í úrslit en við höfum nógu gott lið til þess að komast þangað."

Barcelona hefur unnið 11 síðustu leiki sína á heimavelli.